Feriumu en pirenea pejzaĝo

Terra del Congost - Tero de la Gorĝo estas ekoturisma propono kiu situas en privilegia zono, proksima al Pireneoj, ĉe monteto kie eblas ĝui la plej interesan kaj spektindan ĉielon en Katalunio. Proksimas ankaŭ mirinda ekskursejo nomata Congost de Montrebei, pado skrapita ĉe vertikala alta muro super rivero. Ideala loko ankaŭ por amantoj de ripozo kaj kvieteco.
Mi ĵus tradukas al vi resumon de la projekto kaj informojn por eventuala vizitado:

En Terra del Congost vi disponas pri du domoj komplete ekipitaj por feriumi meze de la naturo, kun vido al Congost de Montrebei kaj la Pireneoj. Krom la domoj, ni disponigas ankaŭ jurton (granda cirkla tendo laŭ mongola tipo uzata de nomadoj). Ĝi estas tre komforta kaj povas gastigi ĝis 9 homojn.
Ekzistas ankaŭ granda spaco por vojaĝantoj kiuj uzas loĝaŭtojn aŭ kutimas kampadi. Eblas starigi tendon en izolitaj senĝenaj anguloj se oni tion preferas. Por ni estos granda plezuro bonvenigi vin en tiu ĉi bela naturejo ĉe la kerno de la katalunaj antaŭpireneoj. Ĝis baldaŭ!

Projekto Terra del Congost

Iniciatintoj: Amber kaj Andreu

(0034) 609 335 909

(0034) 616 567 038

Kapacito:

DOMOJ

La Casa del Forn (Domo de l'Forno), 70 m2, disponas pri dormoĉambro kun du duoblaj litoj, salono kun kamentubo (kaj duhoma sofolito), kuirejo ekipita per lignoforno kaj fumtubo, kompleta banĉambro. Ankaŭ senkabla retkonekto. Maksimuma gastigo: 6 homoj.

La Domo Malgranda, 40 m2, disponas pri unu dormoĉambro kaj salono, ekipita kuirejo, ban/duŝĉambro. Senkabla retkonekto. ĝi estas ideala por 2 homoj sed adaptebla al 4.

Prezoj kaj aliaj informoj:
Konsultu la retpaĝon: Terra del Congost

 

La respondeculoj uzas kutime kvar lingvojn, kiuj estas: kataluna, hispana, angla kaj franca. Se vi bezonos esperantan helpon, mi volonte peros.

Terra del Congost - Tero de la Gorĝo

Ekologia centro por staĝoj, kursoj kaj montara kampado kun ebleco gasti en jurto aŭ tradiciaj ŝtondomoj. Ni prividu la mondon kiun ni deziras kaj eklaboru por ĝi. Tiu ĉi estas nia eta kontribuo en tiu direkto. Dankon pro via legado. (Enkonduko tradukita el la retejo de Terra del Congost).
Esperantaj interesiĝantoj bv. turni viajn demandojn kaj petojn al k.berga(ĉe)gmail.com. Rektajn respondojn en la angla, hispana kaj kataluna vi povos havi tra kontaktilo de la propra retejo.
Vidu ankaŭ bildojn de la Gorĝo de Montrebei, kiu inspiris la nomon de la projekto.

 

Noto de la blogisto:

La fotoj ne estas akurate ĝisdatigitaj. Probable la jurto pretos por gastigoj jam en la proksimaj tagoj. Bazo por dua jurto jam estis ekkonstruita.

Compto amb vosaltres!

Hola a tothom,
aquest any, si tot va com està previst, m'en vaig a viure a algún lloc entre el Pallars Jussà i la Noguera. Busco informació que em pugui ser útil, ja sigui a nivell de feines, habitatge, contactes, projectes comunitaris, gent que també planegi anar-hi...en fi, qualsevol cosa relacionada amb aquests territoris.
Si en sabeu alguna cosa, us agrairé que m'ho comuniqueu.
Us passo el blog que vaig crear en un temps que hi vaig residir temporalment, per si us serveix d'orientació, tot i que ara exploro una zona més àmplia.
http://racodintercanvi.blogspot.com.es/

Finestras i la "muralla xinesa". Montsec de l'Estall (Aragó)

Excursió Vilanova del Camí - Finestras

La Colla Excursionista de Vilanova del Camí (Anoia) ha organitzat una excursió per a visitar Finestres i la seva "Muralla Xinesa", al Montsec de l'Estall. El proper diumenge 14 d'abril. Se sortirà a les 6:00 h. i està previst tornar al voltant de les 20:00 h. El preu del viatge són 18 € amb possibilitat de descompte per a federats i membres del grup. Cal portar àpats per esmorçar i dinar i força aigua ja que és una zona seca sense fonts properes.

La Ekskurso-grupo de Vilanova del camí (Anoia-Katalunio), organizas padumadon tra Finestres kaj sia pitoreska "Ĉina Murego", kiu situas en la montaro Montsec de l'Estall (antaŭ-Pireneo). La ekskurso okazos la venontan 14an de aprilo kaj komenciĝos per enbusiĝo je la sesa matene kun reveno je la oka vespere. Prezo de la vojaĝo estas 18 € kun rabato al federaciitoj kaj membroj de la grupo. Endas kunporti proprajn maten- kaj tagmanĝon kaj konsilindas surporti ankaŭ akvoprovizon ĉar mankas fontoj pro la sekeco de la regiono.

 Colla Excursionista de Vilanova del Camí

c/ Montserrat, 28 - 2n pis (Restaurant Nou)

 08788 Vilanova del Camí (Barcelona)

T. 93 803 43 88 F. 93 803 43 88

cevcami(arroba)hotmail.com 

Horari: 08:00 - 20:00

RIE-xarxa de ecoaldees

Minairons, koboldoj en Katalunio

Ĉe Alta Ribagorça oni nomas ilin diablorins; Ĉe Pallars, Andoro kaj Alt Urgell ili ricevas la nomon minairons - kun la variantoj manairons aŭ menairons -; kaj ankaŭ, en aliaj pli sudaj regionoj, pli malproksimaj al Pireneoj, ili estas konataj per la nomo femilians.
Ĉiuj ĉi nomoj aludas al la samaj malgrandegaj estaĵoj laŭdire garditaj en ies kanujo. Pri la reala naturo de tiuj estaĵoj estas diversaj opinioj. Kelkaj homoj parolas pri bestetoj, ĝenerale dirite, sen klarigi, ekzemple, ĉu tiuj bestetoj povas flugi aŭ ne.
Aliaj homoj asertas ke ili estas kvazaŭ bando da ege malgrandaj, preskaŭ nevideblaj, kuloj. Sammaniere, aliaj homoj preferas kompari ilin  al zummuŝoj, pro la zumsonoro kiun ili aŭdigas elirante el la kanujo.
Sed neniu dubas pri ilia malgrandeco, ĝis la punkto ke, en unu sola kanujo povas enhavi milojn da tiuj estaĵoj kaj ke, malfermante ĝin, ili eliras kun granda ekscito postulante labortaskon.
J.M. Fericgla, en sia libro La fungo kaj la genezo de la kulturoj, konkludas ke la minairons estas produkto el la manĝado de diversaj halucinigaj fungoj, speciale la t.n. muŝamanito (Amanita Muscaria), karakterizita per sia ruĝa ĉapelo kun blankaj punktetoj.
Sub la efekto de ĝia englutado, la homo sentas sin malgranda, tre malgranda, kaj samtempe vidas sin ĉirkaŭata de miloj da fajreroj.
Dum la daŭro de la efekto li/ŝi eksperimentas  nebremseblan emon moviĝi kaj agadi, kvazaŭ li/ŝi havus interne tiujn minairons, jen!
Pro ĉio ĉi Fericgla deduktas, i.a., ke la rakontoj pri minairons originas el tiuj halucinoj. La antikvaj ĉamanoj, kun la falsa preteksto ke la muŝamanito estas venena, altrudis al la popolo la tabuon ĝin manĝi. Tiel ili povis plu konsumi ĝin senĝene kaj sen la risko ke la drogo malabundu en la arbaroj pro troa plukado.
Noto: la populara kataluna diraĵo tocat del bolet (=tuŝita de la fungo) por signifi frenezulon, plejverŝajne devenas el la sama fenomeno.

La supra teksto estas fragmento elkatalunigita el la libro Muntanyes Malaïdes, de Pep Coll. Eldonejo Empúries 1993.